Gattuzo: "Maqsad - evrokubok, bo'lmasa uyga qaytaman"

 28 SENTYABR, 2023, 23:06

"Marsel" bosh murabbiyi Jennaro Gattuzo klubdagi asosiy maqsadi haqida fikr bildirdi.

Italiyalik mutaxassis chorshanba kuni jamoa bosh murabbiyi lavozimni egallab, joriy mavsum oxirigacha shartnoma imzoladi.

"Asosiysi evrokuboklarga yo'l olish. Mavsum oxirida Chempionlar ligasiga yo'llanma olsam, shartnomamda avtomatik ravishda bir yilga uzaytirish bandi bor. Shu bois, meni kuchli to'rtlikda yakunlash qiziqtiradi. Aks holda, uyga qaytaman", - dedi Gattuzo RMC Sport bilan suhbatda.

Shanba kuni "Marsel" Gattuzo boshchiligidagi ilk uchrashuvini o'tkazadi - raqib "Monako" bo'ladi.