"Liverpul" ikkinchi o'ringa tushib qoldi

 7 APREL, 2024, 22:30

"Liverpul" APL turnir jadvalida birinchi o'rinni "Arsenal"ga boy berdi.

Yurgen Klopp shogirdlari bugun 32-turda "Manchester Yunayted" bilan durang o'ynadi (2:2). "Kanonirlar" kecha "Brayton"ni mag'lub etdi (3:0).

Har ikki jamoa 71 ochko jamg'argan. Londonliklar to'plar farqi yaxshi bo'lgani uchun yuqoriroqda.

"Manchester Siti" 70 ochko bilan uchinchi o'rinda bormoqda. Ayni vaqtda kuchli to'rtlikni "Aston Villa" yakunlab turibdi (60 ochko).