Kanselu Gvardiolaning so'zlari haqida: "Bu yolg'on! Men hech qachon yomon jamoadosh bo'lmaganman"

 24 MART, 2024, 16:36

"Barselona"da ijara asosida o'ynayotgan "Manchester Siti" himoyachisi Joau Kanselu "shaharliklar" bosh murabbiyi Pep Gvardiolaning portugaliyalik futbolchining jamoaning asosiy tarkibidagi o'rnini yo'qotishini yaxshi qabul qilmagani haqidagi so'zlariga munosabat bildirdi.

"Yolg'on gaplar. Men hech qachon yomon jamoadosh bo'lmaganman. Bu haqda Ake yoki Luis kabi har kimdan so'rashingiz mumkin", - deya Kanseludan iqtibos keltiradi A Bola.

Ushbu mavsumda Kanselu "Barselona" safida 32 ta o'yinda maydonga tushib, 4 ta gol urdi va 4 ta golli uzatmani amalga oshirdi.